Qëndroni aktiv
Aktiviteti fizik është një forcë që ushtrohet nga muskujt e skeletit dhe që rezulton në shpenzim energjish mbi atë që kërkohet nga organizmi. Kjo përfshin të ecurin ose lëvizjen me biçikletë, kërcimin, lojrat tradicionale, kopshtarinë, punët e shtëpisë sikurse sporti ose ushtrimet. Ju keni nevojë për të paktën 60 minuta aktivitet fizik cdo ditë.Të qënit aktiv ju mban të shëndetshëm, mbron zemrën, përmirëson frymëmarrjen, ul rrezikun e sëmundjeve të rënda si dhe forcon muskujt dhe kockat.
Mësoni më shumë
Pse aktiviteti fizik është i rëndësishëm?
Pjesëmarrja në aktivitete fizike gjatë gjithë jetës mund të rrisë dhe të mbajë të shëndetshëm trupin tonë,rritjen e imunitetit, muskulaturën, strukturën kockore në tërësi ose të zvogëlojë procesin e plakjes i cili zakonisht vjen me kalimin e moshës. Gjithashtu aktiviteti fizik i rregullt mund të zvogëlojë rrezikun për rrëzime dhe thyerje të kockave. Mbi të gjitha aktiviteti fizik mund të zbusë simptomat e depresionit, si stresin dhe ankthin.
Aktiviteti fizik gjithashtu mund të jetë faktor ndihmës në përfitime të tjera pozitive në sferën psikologjike dhe shoqërore. Këto përfitime rezultojnë si një kombinim i pjesëmarrjes në aktivitete fizike dhe përfitimeve sociale kulturore të aktivitetit fizik.
Disa nga këto përfitime janë:
Mund të ndihmojnë në ndërtimin e aftësive për t'u socializuar.
Krijon imazh vetjak pozitiv.
Sjell vetëvlerësim dhe përmirëson cilësinë e jetës.
Përmirëson gjithasht kujtesën dhe performancën akademike pasi siç e kemi dëgjuar shpesh “mëndje e shëndoshë në trup të shëndosh”
Përfitimet nga aktiviteti fizik.
Të qënit aktiv dhe kufizimi i kohës së kaluar duke qëndruar ulur në me pak se 2 orë në ditë mund t'ju ndihmojë:
Të përmirësoni shëndetin tuaj.
Të keni rezultate të mira në shkollë dhe mësime.
Të përmirësoni vetëvlerësimin dhe besimin.
Te njihni sa më shumë shok e miq.
Të mbani një peshë të shëndetshme trupore.
Të përmirësoni aftësitë tuaja.
Të jeni më të fortë.
Të ndiheni më të lumtur.
Të mësoni dhe zhvilloni aftësi të reja.
Të mësoni dhe zhvilloni aftësi të reja.
Të bëni gjumë më të mirë.
Të argëtoheni duke luajtur me miqtë.
Sa aktivitet duhet të bëni?
Fëmijët nga mosha 6-16 vjeç duhet të bëjnë të paktën 60 minuta aktivitet fizik çdo ditë me intensitet mesatar në të lartë përfshirë aktivitete me intensitet të lartë të paktën 3 ditë në javë dhe aktivitete që forcojnë muskujt dhe eshtrat të paktën 3 ditë në javë.
Zbatuar nga:
Ministria e Arsimit dhe Sporteve
Ministria e Shëndetësisë dhe Mbrojtjes Sociale
Partnerët tanë:
Kontakt:
Rr. “Mihal Popi”, ndërtesa 7 (Vila Lami);
P.O. Box 8185
Tel: +355 4 2261840 / +355 4 2261929 / +355 4 2266227
Fax: +355 4 2263 428
E-mail: shkollat.per.shendetin@savethechildren.org
Website: shkollatpershendetin.al
Na ndiqni
